Kommissioune däerfen net gläichzäiteg stattfannen!

Kommissioune däerfen net gläichzäiteg stattfannen!

D’Piraten hunn dem Chamberspresident ee Bréif geschriwwen, well d’parlamentaresch Kommissiounen oft gläichzäiteg stattfannen a froen des ze ännere well d’Deputéierten hier Flicht eng gutt a konstruktiv parlamentaresch Aarbecht ze maachen net erfëlle kënnen. 

Här President

Aus Respekt virun de Memberen vum Parlement bieden mir Iech bei de Presidenten an de Presidentinnen vun de verschiddenen parlamentareschen Kommissiounen d’Wuert ze ergräifen fir d’Iwwerschneidungen vun de Sëtzungen wann et nëmmen Méiglech ass ze vermeiden.
 
Ganz oft sinn e puer Sëtzungen vun de parlamentareschen Kommissiounen gläischzäiteg an dann ass et net méiglech un all de Kommissiounen wou mer Member sinn deelzehuelen.
 
Mir géifen Iech bieden, fir déi reegelméisseg Kommissiounen fest Plagen festzeleeën an déi ëffentlech op der Säit vun der Chamber ze publizéieren. Fest Plagen géing den Deputéierten entgéint kommen fir hire Planning besser am viraus ze geréieren. D’Publikatioun vun den Plagen op der Internetsäit vun der Chamber garantéiert méi Transparenz géigeniwwer de Bierger.
 
Mir gesinn dat net nëmmen fir eis als Sensibilitéit problematesch mee och fir all Fraktioun. D’Députéierten vun all Fraktioun mussen d’Méiglechkeet hunn eng qualitativ Héischwäerteg Aarbecht ze leeschten.
 
 
Matt déiwem Respekt
 
  
Sven Clement                            Marc Goergen
Députéierten                             Députéierten

Demo géint den Uploadfilter – #SaveYourInternet

Demo géint den Uploadfilter – #SaveYourInternet

Den 23. März 2019 um 14h00 gëtt op der Place de l’Europe um Kierchbierg (virun der Philharmonie) demonstréiert!

An den Trilog-Verhandelungen hunn sech d’EU-Parlament, d’Kommissioun an de Rot op d’Aféierung vum Uploadfilter an dem Leeschtungsschutzrecht geenegt.

Dat heescht: DEN INTERNET ASS AKUT A GEFOR!

Déi gutt Norriicht: Mir kënnen dat nach verhënneren!
An der Bevëlkerung gett et ee massiven Widerstand an och am europäeschen Parlament ginn et ëmmer méi kritesch Stëmmen.
Eis bëscht Chance ass also déi final Ofstëmmung am EU-Parlament, déi viiraussichtlech Enn März stattfannen wäert!

Dofier gitt all an der Demo matt an weisst dass Dir net averstanen sidd.