fbpx

E-Santé – Kruten d’Patronen Infoen iwwert d’Krankheete vun hire Salariéeën?

Published by Sven Clement on

Duerch de Confinement gouf am Kader vun de Sécherheetsmesure géint d’Covid-19-Pandemie d’Telemedezin staark ausgebaut. Op ee Coup huet d’CNS et méiglech gemaach, datt Patienten an d’Medezinner iwwer Telefon oder Video hier Consultatiounen konnten ofhalen. Assuréeën, déi wéint engem Krankheetsfall net konnte schaffe goen, kruten doduerch hire Certificat d’incapacité de Travail direkt iwwert een automatesche Mail vun der Plattform eSanté zougeschéckt. 

Direkt e puer Persounen hu mech drop opmierksam gemaach, datt am PDF-Unhang am Mail och de “Code Diagnostic” vum Certificat ze gesi war an am Mail kee weideren Exemplar ugehaange war, wou de Code Diagnostic fir de Patron onsiichtbar war. De Secret médical tëscht Patient an Doktor ass an dësem Fall net respektéiert, well de Patron mam Code Diagnostic kann erausfannen, wéi eng Krankheet säin Employé huet.

An deem Zesummenhang hu mir der Regierung dës Froe gestallt:

  1. Kënnen d’Ministere confirméieren, datt de Code Diagnostic bei deenen automatesch erstalltenen Dokumenter ëmmer um PDF ze gesi war? 

  2. Ass oder war fir d’Ministeren dës Praxis konform mam Secret médical?

  3. Gouf dës Faille behuewen a falls jo, wéini?

Verlaf an der Chamber

QP Nummer 2488


4 Comments

Bisdorff-Weyler · Juli 8, 2020 at 11:55 pm

ech krut zwar mäin krankeschein vum Dockter
awer zum Thema ESanté fannen ech et net normal daat een de Breif kritt vir säi Code anzeginn
et wier jo normalerweis volontaire et jo ze maachen esou wei ech et verstaanen hun awer dann kënnt et zum schluss vun Breif wanneen et net bis enn vum mound gemaach huet geifen sie et automatesch maachen Wou hun mir Bierger nach eppes ze soen
wei den covid test soll jo volantaire sin awer do och kritt een breiwer gescheckt hun schon mäin drëtte des Woch krut
geif mech freen op eng äntwert
merci am viraus an scheinen Owend

    Gilles Mertz

    Gilles Mertz · Juli 9, 2020 at 1:27 pm

    Beim Thema eSanté: de Code dréit den Doktor an, anzeginn wat ee Patient huet. De Problem ass, datt an de Coronazäiten och de Patron dee matkrut huet, wat hien awer näischt ugeet.

    Zum Thema Test: deen ass NET obligatoresch, och wann si iech nach weider Bréiwer schécken. Dir musst net goen, et ass allerdéngs wënschenswäert fir ze wëssen, wv Leit de Virus mat sech droen, fir esou eis Matbierger kënne besser ze schützen.
    MbG

    Marc · Juli 10, 2020 at 10:10 pm

    Fannen ech och net normal! Wann ech den esanté net aktivieren, huet och Ken aneren dat ze machen.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.